Kooxda Al-Shabaab ee dagaalka kula jirta Muslimiinta Soomaaliya ayaa gashay Liiska Argagixisada ee Dowlada Canada kadib markii lagu eedeeyay in ay tababaro iyo hagardaamo ka wadaan gudaha Canada.
Wasiirka Ammaanka Qaranka Vic Toews ayaa sheegay in dowladiisu ay Al-Shabaab u aqoonsatay koox argagixiso ah oo marin habaabin ku wada dhalinyarada soomaaliyeed ee ku dhaqan Canada.
Wasiirka ayaa sidoo kale sheegay in Dowladiisu ay Bulshada Soomalaiyeed ka heshay xog ku saabsan kooxdaas iyo dhaq-dhaqaaqyada ay ka wadaan gudaha Canada sida lacag aruurin iyo dhalinyarada oo loo diyaariyo falal qaloocan.
Waxaa kale oo Wasiirku sheegay in ay isha ku hayaan shaqsiyaadka ku nool Canada ee hormuudka ka ah arrimahaas islamarkaana lagu mamnuucayo howlahooda.
Kooxda Al-Shabaab ayaa xaga muslimiinta ka ah koox khawaarij ah oo hoostagta isbaheysiga khawaarijta ee Al-Qaacida sidaas darteed arrintan ay Canada iyo wadamo kale ku dhaqaaqeen ayaa waxba ku soo kordhineyn fikirkii ay soomaalidu ka qabeen kooxdaas.
